«Her kommer vinter'n, her kommer den kalde fine tida…»

Vinteren går sigersgangen sin i Oslo. Sjølv om noko av snøen som fall før sist helg har minka her nede i byen, er det framleis godt skiføre i Marka. Torsdag for litt over ei veke sidan, då det lava ned i hovudstaden, testa me ut ypparlege pudderforhold i lysløypa Frognerseteren – Ullevålseter – Sognsvann. Storarta, rett og slett. Sist laurdag hadde skyene snødd frå seg. Det blei ein fin tur då òg, sjølv om det var tendensar til kø i løypene rundt Frognerseteren og ned mot Holmenkollen. Dessutan velta det ut lass på lass med kjelkeentusiastar som skulle prøva seg i Korketrekkaren.

Det går allereie mot helg igjen, og laurdag til måndag blir det tur til Trondheim for å besøka venner og kjend, samt litt jobbing.

God helg til alle og einkvar!