Stautland.com

Skulestartgløymsle

2009-09-22T22:46:00.002+02:00

Dei første vekene i eit nytt skuleår går alltid svært fort. No er me allereie midtveis i den sjette veka, og har éi og ei halv veke att før haustferie. Det fører til at mange ting skjer utan at ein greier å få dei med seg. Noko som i sin tur medfører at eg framleis er i oppstartsmodus. Eg kan ikkje timeplanen, har ikkje oversikt over nye elevar, og lurer framleis på om nokre av dei som var avgangselevar i vår går i tredje i år òg.

Heldigvis har ikkje denne distre modusen før til uheldige konsekvensar. Eg møter stort sett presis til timane, går i rett klasserom, og prøver etter beste evne å vera lærar. Men i dag gjekk det litt gale. Det peip så merkeleg i tusjen då eg skreiv på whiteboardtavla. Jaja, ny type tusj kanskje? tenkte eg. Det hadde eg rett i. Sprittusj...

Eller kanskje det er ei slags 30-årskrise eg har hamna oppi?

Hardangervidda

2009-08-31T22:50:00.009+02:00

Det vart lova fleire bilete frå sommaren, her kjem nokre frå nest siste helga i august - hyttetur på Hardangervidda. Verken Anne Karine eller meg har plukka molter før, og hadde ikkje høge forventingar. Me var derfor nøgde då me avslutta dagen med 5 kg bær i bøttene.

Flotte turområde med mengder molter mellom riksveg 13 og Hardangerjøkulen (i bakgrunnen på biletet)

Sommarstilt

2009-08-12T18:35:00.003+02:00

Det har vore stilt her dei siste vekene - lite tid til oppdateringar. Men no er skuleåret og jobben offisielt i gang igjen, i alle fall for oss lærarar. På laurdag brakar det laus med innkvartering av 180 elevar. Blir spennande!

Sommaren må seiast å ha vore bra. Tur til Portugal, Molde, Bergen, Vikeså, Stord, Rakkestad, Vestby, Oslo, og litt Ølensvåg. Bilete har blitt tatt, under er Etnefjorden kl 23.00 tidleg i august. Fleire bilete frå ferien kjem.

Ny doning

2009-07-08T12:21:00.004+02:00

Som de kan sjå av biletet har me fått oss ny farkost. Doningen (veit ikkje om det kan kallast båt) er 7-8 meter lang og rundt 4 meter brei, og for å gjera det enklast mogleg for oss sjølv har me ankra farkosten opp i hagen.

Me har sjølvsagt ikkje bestilt eller kjøpt dette produktet, men reknar med at når nokon plasserer dette utanfor stoveglaste vårt, er det berre til å ta det i bruk. Doningen har fire kraftige pålar i jern, og to høge tårn som det går an å klatra i. Sjølv om me ikkje veit korleis me gjer det enno, gler me oss til å ta dingsen i bruk. Det er god plass på dekk, så har du lyst på ei maritim oppleving av dei sjeldne, er du med dette oppmoda til å stilla med badebukse, campingstol og kaffi ein av dei nærmaste dagane.

Trond Giske, muskelmannen

2009-06-19T22:10:00.007+02:00

Du synest vel du er tøff idag, Trond. Det synest ikkje eg. Du er ei stor pingle. Kva er poenget, liksom? Eg fattar ikkje korleis du kan meina at Erling J. Pettersen er den beste kandidaten som biskop i Rogaland! Han er sikkert ein god organisator, heilt sikkert oppteken med og god på trusopplæring, men det at Pettersen vil tilsetja homofilt samlevande, er sjølve provet på at han ikkje passar som biskop/leiar i kyrkja. Du seier at dette ikkje er eit argument, men du kan like gjerne innrømma det først som sist.

Dette er ein sorgens dag for kyrkja i Norge. Men det bryr du deg vel ikkje om, Trond Giske. Du smiler vel og er nøgd med gjerningen din. Eg meiner du har ingenting å gjera som kyrkjeminister. Finn deg ein annan jobb.

Over og ut.

Skaret 16.06.09

2009-06-17T00:42:00.012+02:00

Kondisen var langt verre enn venta, men det blei ei fin naturoppleving likevel.

Maskinskriving valgfag har endeleg kome til sin rett!

2009-06-14T01:47:00.001+02:00

110 Ord

Speedtest

Tomt

2009-06-13T14:38:00.004+02:00

Då var skuleåret 08/09 til ende. I går var det avslutningsfest, og dei fleste elevane reiste utpå kvelden. Det er svært OK med sommarferie, men rart med tomme internat. Heldigvis blir dei fylt opp att i midten av august.

Sjølv om elevane har reist, er arbeidsåret ikkje heilt ferdig for oss tilsette på Lundeneset. Endå nokre dagar står att, og desse skal brukast til praktisk arbeid og planlegging av neste skuleår. Etter det er det sommar.

Ei veke av årets sommarferie skal brukast i Portugal, nærare bestemt byen Lagos på Algarvekysten. Det blir rett og slett fantastisk.

Rybak og kristkongar

2009-06-01T13:09:00.003+02:00

Laurdag og søndag var det strandhogg og Mostraspel på Moster. Strandhogget (konsert i Moster Amfi) vart ein minneverdig kveld, med kvalitetsmusikk frå både lokalkjende og meir landskjende artistar. Av dei "utanfrå" kan nemnast Gunnhild Sundli (tidlegare artist i Gåte) og Kristine Gulbrandsen. Aleksander Rybak dukka opp på slutten òg, men kvelden hadde vore like bra utan han.

Spelet "Kristkongane på Moster" har eg ikkje sett sidan eg gjekk i sjette klasse. Dette var ei oppleving. Eit svært interessant og spennande spel om det viktigaste som nokon gong har skjedd i Noregs historie. Artistane nemnt over (minus Rybak) deltok i hovudrollene.

Blogg og sånt

2008-10-08T13:09:00.005+02:00

Eg har nettopp snakka med elevane mine om blogging. Ikkje det at dei ikkje visste kva det var fra før. Dei veit sjølvsagt at blogging er ein nyttig syssel, blant anna for å bli høyrt i den offentlege debatten. Og sjølvsagt publiserer ingen bilete av seg sjølv som dei ikkje ønskjer at ein framtidig sjef eller svigerfar skal sjå.

Dessverre har det ikkje vore stor aktivitet på denne bloggen dei siste månadene. Eg veit at det er stor sannsynlegheit for at ingen les dette eg no skriv. Med den oppdateringsfrekvensen eg har lagt meg på, har eg nok svikta mange trufaste lesarar. Eg kan dessverre ikkje lova nye og betre tider. Men to innlegg i 2008 er definitivt betre enn eitt!

Forresten så har eg vore bloggar i snart tre og eit halvt år!

Det er haustferie. Bileta under er tekne ein fredfull morgon i slutten av september.

Rullande måne

2008-04-21T14:29:00.003+02:00

I går kveld/natt sat eg oppe og venta på månen i 2 timar. Det var klarver, månen var full, og måneskiva stor. Det blei nokre bilete, her er eitt av dei.

På nabobesøk

2007-12-15T18:11:00.001+01:00

Det har vore mykje bråk og arbeid hos naboen vår dei siste vekene. Ikkje rart det, dei måtte jo ha alt klat til den store dåpen! Som næraste nabo var me sjølvskrivne gjester. Og ikkje nok med det, me fekk ei flott omvising i det luksuriøse supplyskipet til Eidesvik i førekant. Her er det ikkje spart på noko verken når det gjeld komfort eller utstyr!

Adventsblogg

2007-12-10T20:22:00.000+01:00

Hey hey! Stautlands har oppdatert bloggen!

No har både oktober og november passert utan at noko har skjedd på denne sida. Kva har skjedd? Har me fallt heilt av bloggelasset, eller er læraryrket så travelt at det ikkje er tid for slikt? Har ikkje svaret. Det einaste eg veit er at eg har betalt for stautland.com-domenet i 2008 òg.

Det går mot jul (klisjear er til for å brukast). Det er travelt på skulen, så juleferien er etterlengta. Ekstra lang er han attpå til i år. Det er bra. Som vanleg skal me besøka familiane våre i jula.

Kransen på biletet har Anne Karine laga. Er han ikkje fin?

God adventstid! Og for sikkerheits skuld: God jul og godt nyttår!

Me har flytta

2007-09-20T22:57:00.000+02:00

Me har flytta ca 5-600 meter, og bur no i eit raudt fint hus på Lundeneset. Sjå filmen - det er det raude huset ca. halvveis på båtturen!

Det var sommaren 07

2007-08-21T22:53:00.000+02:00

Det har regna mykje i sommar, ja, men likevel mange minnerike opplevingar. Her kjem eit utval av høgdepunkta frå ferien i Noreg, Sverige og Danmark.

Krabbefiske med niese og nevø på Flekkerøy

Etter Sørlandet stod Danmark og Sverige for tur. Her er me på vei over Storebælt.

I Ystad, Skåne, såg me om Wallander var heime hos seg sjølv i Mariagatan. Det var han ikkje. Truleg var han ute på oppdrag.

Tilbake i Danmark, på landets nordlegaste campingplass. Me snakkar altså om Skagen.

I Skagen nytta me og høvet til å stå i to hav samstundes; Skagerak med venstrefoten og Kattegat med høgre.

Heime i fedrelandet, på vei til Eigerøy fyr. Det er uvêr på gang.

Fangst i teina!

Makrellfiske på Tyneset.

Endeleg ein dag med sol

2007-07-21T01:12:00.000+02:00

Det har vore stille på blogg-fronten dei siste vekene, og det vil vera feil å orsaka seg med at det har vore så fint vêr ute at ein beint fram ikkje har fått tid.

I dag, fredag, viste sola seg igjen over Ølensvåg, på nesten skyfri himmel. Etter å ha kjøpt inn litt rekvisita til båten, gjekk turen til Romsa. Med 4 HK, tek det rundt 45 minutt. Ca halvvegs, nærare bestemt ved utløpet av Etnefjorden, stoppa me for å sleppa ut ei krabbeteine. Den skal hentast om eit par dagar, vonleg med mykje god krabbe i.
Vel framme på Romsa fortøyde me båten og fyrte opp grillen. Det var faktisk skikkeleg godt og varmt i sola. Éin slik dag veg opp for mange regnvêrsdagar. Får håpa me får fleire.

På veg heim igjen stoppa me for å fiska opp tre makrell.

Båteigar!

2007-06-02T18:35:00.000+02:00

Etter å ha budd snart eitt år nær sjøen, har det endeleg blitt båtkjøp på oss! Farkosten er av typen Strandebarmar, robåt med motor. Me var på Halsnøy og henta han laurdag. Båten er enno ikkje sjøsett, men skal prøvekøyrast ganske snart.

24 000 tonn inn fjorden

2007-05-29T11:26:00.001+02:00

Ei ny plattform har teke inn hjå naboen vår, Westcon. Deep Sea Trym har ei totalhøgd på 99,55 meter, er 108,2 meter lang, veg ca 24 000 tonn og kan bora om lag 7,5 mil ned i havbotnen.

No skal riggen overhalast ein månads tid på verftet. I september kjem ei ny plattform (West Epsilon), og til saman er desse to kontraktane verdt 100 millionar kroner for verftet.

Noko å sjå fram til når sommaren er forbi

2007-05-29T11:24:00.001+02:00

18 prosent ond

2007-05-26T22:38:00.001+02:00

You Are 18% Evil

You are good. So good, that you make evil people squirm.
Just remember, you may need to turn to the dark side to get what you want!

How Evil Are You?

Og by the way, eg e Ned Flanderes i Simpsons...

Røyemåltid

2007-04-30T19:03:00.000+02:00

Ein ettermiddag ved Røyslandsvatnet i Bjerkreim resulterte i denne vesle røya. Ho smakte framifrå som forrett til middagen!

Vikeså påsken 2007

2007-04-04T14:47:00.000+02:00

Svela-vatnet midt i biletet, E39 går forbi bak vatnet. I horisonten: Jæren og havet.

Stille på neset

2007-03-27T23:01:00.000+02:00

Det er stille på Lundeneset om dagane. 165 elevar og det meste av staben er på studietur, dei aller fleste i det store utland. (Hellas, Polen, Tsjekkia, Spania, USA og Noreg). Når me som er igjen ikkje har nokon å undervisa, må me finna på andre ting. Denne veka går derfor med til fagleg oppdatering og kursing av ulikt slag. Planen er å få lært seg eit par redigeringsprogram for nett og video.

Det som er greitt no når alle er vekke, er at våren er kome for fullt til Ølensvåg. Dei siste dagane har me vakna til sol frå skyfri himmel, og ein 12-15 grader midt på dagen. Me har fått rapportar om at vêret i det sørlege Europa er litt både òg, og då er det klart at det er ekstra greitt å vera attende i Noreg.

Kvifor me ikkje er på tur? Det er ikkje plass til heile staben, og sidan me er nye fekk me ikkje vera med... Men om to år igjen er det vår tur!

Lange dagar (med backgammon)

2007-03-18T16:29:00.001+01:00

Etter å ha blitt ramma av influensaen som har herja skulen dei siste vekene, ser det no ut til at det verste er over. Og eg kan konstatere at å spele backgammon med seg sjølv ikkje er så gøy. (Helge har tilsyn i helga, og det skulle eg òg ha hatt, hadde eg berre vore frisk.) Dei svarte brikkene, som Helge plar ha, vinnn sjølv om det er eg som styrer dei... Urovekkjande.

Kyrkjekunst?

2007-03-16T10:12:00.000+01:00

I går var eg ein snartur i Stavanger, og rusla forbi domkyrkja. Der såg eg utstillinga "Tsunami"
Kunstinstallasjonen (som dei kallar slikt) er meint å minna oss om bruk-og-kast-samfunnet. Men kva har det med ein tsunami å gjera? Og kva har slikt i ei domkyrkje å gjera?

Innanfor dørene ser det visst like gale ut, klede i haugar heilt fram til døypefonten.

Kva er vitsen?

Ul.no

2007-03-14T14:02:00.000+01:00

I år skal UL vera i Haugesund. I samband med dette er ul.no nettsida ein må sjekka ofte. Her er eg "redaktør" fram til arrangementet er avvikla.

Sjekk gjerne sida!

Hegren i Ølensvåg

2007-03-05T15:43:00.000+01:00

Hegre er ikkje uvanleg å sjå dersom ein køyrer frå Ølensvåg til Ølen. Laurdag leika eg paparazzi langs strandkanten. Hegren er ein svært folkesky fugl. Ser du ein på avstand og stoppar opp, får han raskt auge på deg og forsvinn. Men bilane langs E134 har fuglen blitt van med, derfor vart metoden for denne fotoøkta å sitja roleg i bilen med nedrulla vindauge og telelinse.

Vårleg vinterferie i Roma

2007-02-23T22:21:00.000+01:00

Me er tilbake i Norge etter tre flotte dagar i Den evige staden - Roma. Ein fantastisk by, med mykje spennande å sjå. Reisemålet kan absolutt anbefalast!

Motiv frå Peterskyrkja, Colosseum ogTrevi-fontenen.

Hauglandskvedno i vinterkledning

2007-02-12T09:01:00.000+01:00

Når vinteren først er her, er det på plass med litt fleire kalde bilete. Desse er frå gode, gamle Hauglandskvedno på Stord, der frosten hadde forvandla den vesle fossen til ein flott isskulptur.

Vinter

2007-02-09T13:42:00.000+01:00

Det har vore skikkelig kaldt i Ølensvåg dei siste dagane og nettene. Gradestokken har lege på rundt -5 til -8 grader dei siste dagane. Det har ført med seg at vågen har frose til, slik at berre dei største båtane kjem seg fram.

Folket har talt

2007-02-09T11:56:00.000+01:00

Eit fleirtal på 44 prosent ønskjer ikkje dei namnealternativa på gullfiskane som er lista opp her. Kan dei (fire) det gjeld venlegast gi seg til kjenne og forklara seg nærare?

11.500 skritt...

2007-02-02T09:13:00.000+01:00

Tilsyn i går/natt, og då får ein gått. Tilsaman 11.500 skritt frå 15.30 til 23.30. Måtte blant anna ta beina fatt for å:

- Sjekke vasken er ok på alle internat
- Hente førstehjelpsutstyr
- Levere ut infomateriell til 1. klassingar som har heildagsprøve i norsk i dag
- Låse opp og låse igjen dører på førespurnad
- Gå låserunde på internata etter 23 og kasta ut folk som var på feil internat.

11.500 skritt er rundt 7 kilometer, og over den tilrådde mengda skritt ein bør gå kvar dag☺.

Brukarrettleiing, takk...?

2007-02-01T22:53:00.000+01:00

Eg har i mange år lurt på kva som er vitsen når produsentar av til dømes grillkol og poteter syr igjen sekkane i toppen. Sannsynlegvis er det ein smart idé som ligg til grunn. Det er berre det at aldri får det til. Eg får alltid vondt i handflata når den kvite tråden byrjar å gnage seg inn i handa når eg tek litt i. Og sekken er like uopna, heilt til eg anten klypper eller riv opp posen på ein måte som produsentane i alle fall ikkje hadde tenkt eg skulle gjera.

Kjære grillkolprodusentar og potetbønder! Kan de for framtida leggja ved ein instruksjons-DVD slik at eg kan få hjelp med opninga av sekken?

Eller kan nokon med litt røynsle hjelpa meg?

Oslo-tur

2007-01-30T14:36:00.000+01:00

Då var eg vel tilbake i Ølensvåg etter ei koseleg langhelg hjå Monika i Oslo. Fekk utnytta tida godt. Laurdag var me ute på shopping og på møte i Misjonssalen. Søndag fekk me oss ein fin skitur i Nordmarka (tusen takk til Benny for lån av ski:)). Løypene var stort sett gode, og me såg to elgar på nært hald (fekk dessverre ikkje teke bilete av dei). Og som om ikkje dette var nok, rakk me også eit lite besøk i Drammen. Skulle gjerne hatt eit par dagar til i hovudstaden, men det får bli ein annan gong. Bare synd snøen hadde regna bort i Ølensvåg mens eg var på tur...

Stabil lesarkrins

2007-01-28T10:52:00.000+01:00

Besøkstala for sist veke viser at dette nyheits- mediet har ein stabil lesarkrins. Flest personar finn det mest naturleg å leggja att eit besøk anten mot slutten eller byrjinga av ei veke. Desidert færrast besøk hadde nettstaden onsdag i sist veke. No skal det seiast at stautland.com ikkje har blitt overlessa av nyheitssaker den siste veka, men nettopp det, i kombinasjon med at folk likevel er innom, synest redaksjonen viser at bloggen er eit viktig element i kvardagen for mange.

Elles nyttar eg høve til å minna om namnekonkurransen: Kva skal gullfiskane heita?

Portrett

2007-01-28T10:30:00.000+01:00

På lvs.no for eit par vekar sidan, svara ein av dei ferskaste lærarane på spørsmål om å jobba på Lundeneset. Vedkomande har fått ein del pepar for å ikkje uttala seg om kven han trur har potensiale i seg til å bli statsminister ein gong i framtida!

Eit par bilete

2007-01-17T14:03:00.000+01:00

Tenkte det var på tide med eit par nye bilete frå plassen der vi bur.
NR. 1: Eit bevis på at det var ein dag utan regn før jul. (Foto: HJS)
Nr. 2: Dei to plattformane som fungerte som "utandørs juletre" i førjulstida. (Foto: AKS)
Nr. 3: Westcon sett frå fjellet bak huset vårt. (Foto: HJS)

Nye familiemedlemmer

2007-01-16T20:47:00.000+01:00

Som mange kanskje veit, snakka Helge stort om at han hadde lyst på hund. Iallefall i Oslo. I bryllaupssongen gjorde eg det klart at hund ikkje var særleg aktuelt, men at ei erstatning kunne vere gullfisk. No har eg halde løftet mitt. Til jul kom fiskebollen (ikkje middagsrett) med alt som høyrer til, berre ikkje fisk. Men laurdag kom fiskane òg. Ein oransje og ein kvit med raudt hovud. Dei måtte forlate familiemedlemmene sine og flytta til Ølensvåg, akkurat slik me gjorde i august. Så no er Helge eigar av to gullfiskar. Dei er kanskje ikkje verdas beste vennar (gullfiskane altså), for den eine forsyner seg grovt av halen til den andre. Namna er ikkje heilt klargjort endå, kanskje Torbjørn og Espen, etter dei gamle sjefane våre...

Elles kan eg føya til at det fyrste karakteroppgjeret vårt er unnagjort. Og i morgon startar norskstudiet opp igjen. No er det «Språket som struktur» som står for tur. Dette går eg i møte med friskt mot. Har nemleg begynt på step, så no fylles energilagera opp.

Tilsyn, så pass dykk!

2007-01-05T22:41:00.000+01:00

Den første helga i det nye året blir tilbrakt på skulen vår, Lundeneset. Alle lærarane her på skulen har fått kvar sin tilmålte dose med vakter, og denne helga er det altså vår tur. Nett no har me ein liten pause etter å ha steikt lappar av 20 liter røre. (Litt godt på fredagskvelden må jo elevane få!) Elles er det ikkje godt å seia kva helga vil bringa med seg. Ca halvparten av 165 elevar er att på skulen, så litt liv og røre blir det nok. Men klokka 0100 i natt er det ingen nåde dersom me finn nokon som ikkje er på rett plass, dvs på rommet sitt!

Snart nytt år...

2006-12-30T22:55:00.000+01:00

Totusenogseks nærmare seg slutten for alvor. I morgon skal eg feira mi 28. nyttårsaftan. (Ja, faktisk, sjølv om eg ikkje er meir enn 27 - talde på hendene tre gonger).

Korleis har året vore?

Forholdsvis bra, må ein seia.

2006 byrja kaldt og med mykje kvit nedbør. I februar var det fleire snørekordar som vart slegne. Dette vart utnytta godt, og førte med seg mange flotte skiturar i Nordmarka.

Vår og sommar kom omtrent samstundes til Oslo i år. Noko som baud på mange fine opplevingar ute i det fri.

Den største "omveltninga", var nok flyttinga til Vestlandet. Det var ein overgang å koma til ein ny stad, ta avskil med vener og svigerinner i Oslo, og ikkje minst byrja i ny jobb, men no byrjar me å koma inn i det nye livet vårt i Ølensvåg. Kor lenge me blir der er det ingen så veit, men det er ikkje umuleg at me blir der lengre enn dette skuleåret. Me har fått oss ein flott arbeidsplass, og læraryrket ber med seg mange fordeler.

Kva nyåret bringer med seg er det som vanleg ingen som veit, og tradisjonen tru blir det ingen nyttårsforsett denne nyttårsaftan heller.

Ynskjer alle som sjeldant eller ofte surfar innom denne sida eit godt nytt år!!

Statoil/Hydro-fusjonen

2006-12-19T12:26:00.001+01:00

Statoil og Hydro har bestemt seg for å slå seg saman. Det har alle lese i aviser, høyrt på radio eller sett på fjernsyn dei siste to dagane. Mange viktige spørsmål har blitt stilt, til dømes: Kor skal hovudkontoret ligga? Og kor mykje løn skal sjefen for det nye selskapet ha?

Men ingen har stilt dei verkeleg viktige spørsmåla, dei som får konsekvensar for oss i kvardagen:

Kan me no bruka HydroTexaco-kaffikoppane på Statoilstasjonar?
Og kva med Statoil-koppar på HydroTexaco? Statoil har jo allereie lagt Rolls Royce-koppane for 2007 ut for sal.

Og får alle me som er medlemmer av Coop 23 øre bensinrabatt også på Statoil framover?

Kvifor har ikkje dette vore tema på pressekonferansane?

Oppdatert statistikk

2006-12-16T21:55:00.000+01:00

To nye mus har gått i fella!
Sjekk oppdatert musestatistikk her.

Vikeså i desember

2006-12-16T21:30:00.000+01:00

Slik såg deg ut i heiene på Vikeså, ein søndag med opphald tidleg i desember.

Førjulsstemning...

2006-12-11T09:04:00.000+01:00

Det regnar i Ølensvåg. Skikkelig mykje. Det siste døgeret har det så og seia ausregna konstant. Kvikksølvet når knapt under 10 varme, og det går mot jul! Det er trygt å vita at det vestlandske julevêret ikkje let seg endra av menneskeskapte klimaendringar.

Å sjå det positive er viktig. Regn og mildvêr er ikkje berre negativt. Ikkje nok med at ein kan gå ute i støvlar og regnbukse, mykje tydar nemlig òg på at me kan få ein vinter med langt færre sportssendingar enn det som er vanleg for årstida.

Jaja.
Klokka har no passert 9 om morgonen, elevane mekkar radio, og ute er det like mørkt og vått som då eg stod opp klokka 7.

God advent!

Musestatistikk

2006-11-20T20:21:00.000+01:00

Per 16. desember har totalt fem - 5 - mus har gått i fellene på loftet hjå oss. Kor mange fleire blir det før jul, tru?

Schmoock!!

2006-11-20T11:50:00.000+01:00

Endeleg kan ein sjå resultat av musejakta.To rakkarar er fanga; dei gjekk i fella og får diverre aldri meir feira jul igjen. Og godt er det.

Når livsanden gjekk ut or dei to vene små er ikkje godt å seia, men det må ha vore ein gong mellom 17.-20. november. (Me har nemleg vore på Kongshaug/Bergen nokre dagar).

Fellene er på ny kome på plass på loftet, denne gongen med flesk i staden for ost. Berre sånn i tilfelle det skulle vera fleire mus i omløp.

Musejakt

2006-11-14T13:15:00.000+01:00

Tidlegare i haust var det ei flaggermus som herska på loftet vårt i Ølensvåg. No når dette dyret har inntatt dvalen, er ansvaret overlatt til den meir jordnære vesle gnagarslektningen. Enten er musa/musene på loftet eller i veggene, eller mellom etasjane, eller over alt! Det krafsar og kryp, særleg om kveldane når me skal sova, og det er nesten så ein skulle tru at dei snart ramlar i hovudet på ein.

Men no ser me enden på musevisa. Desse norskproduserte, noko utradisjonelle musegiljotinane skal etter planen ta knekken på udyra som gjev oss frysningar og det som verre er.

Kjem tilbake med oppdatert informasjon - biletet då kan bli noko meir makabert enn dette...

Ølensvåg by night

2006-11-07T11:30:00.000+01:00

Våre nye naboar lyser opp i kvardagen!

Forandring frydar...

2006-10-25T18:44:00.000+02:00

Slik såg det ut før, og slik blei det etter at pappa var her og tapetserte for ei tid tilbake.

Gult er ufattelege mykje kulare enn flassete, falma, rosablomstrete tapet, synest me. Og i dag har eg lagt opp antennekabel til rommet, så no er det klart til å takast i bruk som tv-stove for fullt!

Me bur i eit hus med mange rom no, derfor har me både stove, tv-stove, og snart spisestove!

Her bur me

2006-10-06T13:38:00.000+02:00

Orsakar, godtfolk, ting tar tid når ein er lærar. Yrket er travelt! Men her bur me altså! Biletet er teke frå Kåtanuten, 534 m.o.h. 17. september var me på tur til den toppen. På biletet ser de òg nokre av dei gode, bråkete naboane våre, Ølen Betong og Westcon. (Det er mest Ølen Betong på biletet). På jorda oppforbi går det rautande slaktekyr, men eg trur dei har flytta innandørs for sesongen, for det er lenge sidan sist me høyrte ei ku med rauteanfall midt på natta.

Bilete nummer to viser korleis det såg ut i Oslo etter at leiligheten i Tullins gate var tømt for ting. Tomt og trist!

Bilete nummer tre: Flyttebyrået, Arne og Bjørn. Svigermor var òg til særs god hjelp!

Bilete nummer fire: Innflytting i huset på Lunde Øvre.

No skriv me 6. oktober, og det er haustferie. Det skal bli fantastisk!

God ferie

Status frå Ølensvåg

2006-08-30T12:09:00.000+02:00

Endelig litt ledig tid på lærarrommet på Lundeneset, derfor tid til ei lita oppdatering.

Me trivst fortsatt godt her vest. No skal me snart tapetsera to rom i huset me leiger på Lunde. Det er vel eigentleg det siste som står att, etter det kan me seia oss ferdige. Då står to rom klare til å ta i mot besøk. Skulle gjerne hatt nokre bilder og lagt ved, men har ikkje fått tid til slikt, dessverre.

Dei siste to vekene har me arbeid gått rett heim for å koma i stand i huset. Har knapt hatt tid til berre å sitja ned og slappa av, sjå på tv, lesa ei bok, osv...

Lærarkvardagen er utan tvil travel. Det er mykje å setja seg inn i, mange små og store ting som me heile tida må hugsa på. Det er berre oss som er nye i staben i år, det vil seia at alle dei andre veit om det meste. Så me går ofte rundt som store spørsmålsteikn.

Me har begynt undervisninga (elevane begynte for fullt på måndag). Det ser greitt ut. Helge skal ha andre og tredjeklassingar i samfunnskunnskap og engelsk, og andreklassingar i samfunnslære og mediefag. Anne Karine skal ha første og andre klassingar i mediefag, i tillegg til at ho skal ta norsk grunnfag på deltid (nettstudium).

Det var det for denne gong!

Ny plass, ny jobb, nytt hus

2006-08-19T00:07:00.000+02:00

Byrjar å bli ei stund sidan denne sida er blitt oppdatert, dessverre. Sidan sist har me hatt sommarferie både på Stord og Vikeså. Sist lørdag flytta me frå Oslo til Ølensvåg der me framover skal vera lærarar på Lundeneset. Blir veldig spennande. Me bur i eit hus utanfor skuleområdet med fire soverom, så det er berre til å koma på besøk! Skal prøva å oppdatera sida litt oftare framover.

13 ting ein kan gjer i Ølen

2006-07-19T09:41:00.000+02:00

- Gå på fisketur
- Handla på kjøpesenteret i Ølen (ja, faktisk!)
- Handla i dei seks klesbutikkane, besøkja urmakaren, klyppa håret eller ta ein tur innom møbel- og teppesenteret.
- Ta ein båttur til kulturperlene på Romsa
- Kjøpa ein båt fyrst
- Leita etter estetiske trekk i bedriftene Westcon og Ølen Betong
- Gå tur i fjellet
- Besøka ”Joa-Kari”, Vindafjord kommune sin tusenårsstad i sentrum av Ølen
- Reisa på leir på Brandøy
- Starta underskriftskampanje for å få Ølen tilbake til Hordaland
- Besøkja ein gammal kolerakyrkjegard og helleristingane på Bjoa
- Reisa med ferja frå Utbjoa for å minnast gamle dagar
- Tinga omvising på Fatland Slakteri

Flyttar til Ølensvåg

2006-07-12T09:48:00.000+02:00

Det er no klart at ekteparet Stautland kjem til å flytta til Ølensvåg i løpet av august. Me skal begge ta til på Lundeneset vidaregåande skule som ligg i bygda.

Nokre vil karakterisera bygda som ein utkant (kanskje etter å ha telt husa på biletet), andre som verdas navle. Me vel å tru på det siste, og gler oss til å flytta. Det er i tillegg nære både Vikeså og Stord.

Les meir om Ølensvåg på Wikipedia

Det er foreløpig ikkje klart kor me skal bu, men uansett er alle og ein kvar velkomne til å besøka oss. Me satsar på på mange overnattingsgjester, og dei som allereie no veit at dei vil ta seg ein tur, kan til dømes leggja att ein beskjed under kommentarane.

Pubkontor

2006-06-26T11:52:00.000+02:00

Det ordnar seg som regel. Til og med i føremidddag, åleine på kontoret og utan oppegåande internett. Kva gjer ein? Måndagane er jo den store
utsendingsdagen for K PK. Det vil seie at eit femitals e-postmottakarar i aviser over heile landet får stoff frå oss.

Høybråten Cognac og cigarbar vart løysinga. Har passert den puben dagleg i eitt år, og visste at dei tilbyr gratis trådlaust nett. Så her, ute i det fri, ein sommarsdag 2006, hadde eg kontoret mitt halvannan time, til alt det viktigaste var sendt avgarde. Verken med sigar eller konjakk, men ein herleg latte som tilbehør.

Medbrakt

2006-06-16T17:45:00.000+02:00

Eg har høyrt om særskilde etesjapper under sørlegare himmelstrok der ein kan ta med seg si eiga flaske vin og drikka til den bestilte maten. Ser ut til at nokon prøver ein variant av dette i Noreg...
(Mobilfoto: HJS)

Mimre mimre

2006-06-13T13:05:00.000+02:00

Hei alle som friviljug hadde tysk som B-språk tredjeåret ved Stord vidaregåande skule 1997-98, og som les denne blekka.

Alle hugsar vel denne herlege hendinga...?

Meir info om det hyggelege (einvegs) utvekslingsprogrammet og dei som deltok her.

Malmøya tre dagar til ende

2006-06-12T09:52:00.000+02:00

Sommaren er definitivt komen. I dag er det meldt 25 °C i hovudstaden - ikkje langt unna denne tempen har det òg vore i helga. Både fredag, laurdag og sundag har blitt brukt til sløving, bading, soling og god mat på Malmøya. Ifølgje NRK Tekst-TV var det 17 ° C i sjøen, og det gjekk greit å liggja uti og duppa.

Mitt beste fotballminne

2006-06-02T09:52:00.000+02:00

Eg hugsar ein sommar
må vel vera minst 15 år sidan
det var fotball-VM
og alt var så roleg på fjernsynet
det var streik i NRK

no er det streik igjen!
det er som ein draum –
dei seier fotball-VM kan gå fløyten nok ein gong!
i alle fall smella til dei som kommenterer.

Eg vågar nesten ikkje tru
at mitt beste fotballminne
skal bli ein realitet
i år igjen.

Men det er lov å håpa…

Mine verdifulle meiningar

2006-06-02T09:51:00.000+02:00

Meiningane mine er visst svært verdifulle. Sist veke vart eg nemleg
oppringt av Norsk Gallup. Dei ville ha meg til å delta på eit møte der
meininga var å synsa og meina alt me orka om kredittkort generelt, og
eit amerikansk kredittkort generelt. Sjølvsagt sa eg ja. Ikkje fordi dei
lokka med middag og ein halv høvding.Alt på møtet vart teke opp på band. Så når den dagen kjem at banken din tilbyd deg eit nytt kredittkort, kan du stola på at eg har hatt eit ord med i laget. (Det vil seia, det er vel mest rett å seia at eg har hatt ein finger med i laget dersom banken ikkje tilbyd deg eit kredittkort.
Eg var svært negativt til det nye konseptet som eg diverre ikkje kan
røpa for mykje om.)Denne soga har som sagt lært meg at meiningane mine betyr noko.

Skulle du som les dette ha behov for dei, og i tillegg kan diska opp med ein
god middag, er det berre å ta kontakt!

Fri og forvirra

2006-05-22T13:10:00.000+02:00

Mai er månaden med dei mange fridagane. Dei fleste vekene er kortare enn vanleg, noko som skuldast 1. mai, 17. mai og Kristi himmelfartsdag.

Sist onsdag var det 17. mai. Det var nok til å setja tidsrekninga mi ut av spel. Då eg var attende på arbeid torsdag den 18. var eg overtydd om at eg hadde lagt bak meg nok ei helg. Frustreringa var derfor stor då eg utpå dagen oppdaga at posten ikkje hadde greidd å levera verken «laurdagens eller måndagens» post til meg på jobb. Eg var snar med å knota ned ein skrifteleg klage til Posten, der eg uttrykte djupt vonbrot over manglande post. Dagen etter fekk eg til svar at dei ville sjå nærare på førespurnaden min, men først ville dei ha greie på kva eg meinte med måndag 18. mai…

Lenge leve fridagane i mai! Kva om me fekk samla dei litt? Kunne hatt alt i samband med 17. mai, så kunne Grunnlovsdagen blitt feira med ei heidundrandes markering tre dagar til ende.

Meise-BigBrother

2006-05-16T09:07:00.000+02:00

Mange fuglar, små dei er, komne no attende. Alle så langt utan influensa. Er det ikkje utruleg. Tenk på kva alle dei millionane av kroner kunne ha blitt blitt brukt på. Tamiflu up my...

Uansett, ruging og eggklekking føregår for tida for fullt i dei mange tusen reir og fuglekassar. Barndomens kassar som var snikra heime i kjellarboden, var laga med lok som kunne vippast opp. Då kunne unge, lovande ornitologar jamleg følgja utviklinga. Men tenk å vore floge på veggen i ein fuglekasse, sett alt, 24/7!

Det kan du her!

Små froskene...

2006-05-14T21:30:00.000+02:00

Ein frosk/padde nyt ein isfri sone av Lille Åklungen, 7. mai 2006. Her var forøvrig ein heil froskekoloni.... (Foto: HJS)

... og hundrevis av fleire froskar/padder var under produksjon, sjølv om det aldri er særleg kult å vera 5. hjul på vogna. Denne bakarste krabaten gav fort opp... (Foto: HJS)

Nede ved Sognsvann blømde kvitveisen (Foto: AKS)

Å skilja seg ut...

2006-05-05T09:03:00.000+02:00

Eg brukar internett, og såleis ein noko "unormal" verdsborgar. Berre éin av sju vaksne i verda brukar faktisk internett! USA toppar lista med 152 millionar internettbrukarar, mens Kina følgjer på andreplass med 72 millionar brukarar. Til saman brukar 694 millionar internett, ifølgje NRK.

Herleg å kunne skilja seg ut!

Verdas største cruiseskip

2006-04-27T14:33:00.000+02:00

Tenk deg denne giganten, 158 000 tonn og 339 meter, på veg gjennom Drøbaksundet med berre 2,5 meters klaring frå sjøbotnen!

Det skjedde onsdag. Då fekk Oslo havn besøk av "Freedom of the Seas", som er verdas største cruiseskip. Skipet rommar 4 300 passasjerar, og skal gå i Karibia.

Inne i båten finn ein blant anna klatrevegg, skøytebane, promenadegate, ballbanar og badeland.

Sjekk her korleis Freedom of the Seas passerte under Storebæltbrua i Danmark!

Litt av eit monster! Røkke har visst hatt ein finger med i spelet. Onsdag vart eit par tusen kjendisar invitert ombord og ut på tur på Nordsjøen. Journalistane i KPK var diverre ikkje blant dei utvalde denne gongen.

Abbas i nabolaget

2006-04-26T19:16:00.000+02:00

President for palestinarane, Mahmoud Abbas, blei i ettermiddag observert i gatene rundt SAS-hotellet på Holbergs plass. Store politistyrkar var i sving for å verne Abbas, som var i Noreg blant anna for å skaffe pengar til palestinarane.

Dødt dyr var delfin

2006-04-24T15:02:00.000+02:00

Få har kome med synspunkt på kva slags dyr som endte sine dagar på jærstranda før påske. Spørsmålet kunne ikkje stå utan svar, og me sende det difor vidare til Havforskingsinstituttet, som svarar følgjande:

Bildet du sendte oss viser en kvitnos, Lagenorhynchus albirostris. Kvitnos har fått navnet på grunn av det hvite "neppet" (...) Kvitnos er en delfinart som er ganske vanlig i våre farvann. Sammen med den nært beslektede arten kvitskjeving går den også under betegnelsen "springer".

Død kval eller delfin på Brusand

2006-04-21T09:32:00.000+02:00

Det har skjedd noko i påsken som er verd å skriva om, som ein av lesarane våre gjorde oss merksame på. På ein tur til strendene på Jæren, nærare bestemt Brusand, fann me på påskeaftan dette sjødyrkadaveret i strandkanten. Det store spørsmålet er: kva slags dyr er dette? Nokon som har synspunkt? Sidan niser ikkje er uvanleg langs norskekysten, er det ikkje umogleg at dette er eit eksemplar av arten. Men det likna og på ein delfin, så kanskje det er Flipper som har lidd ein tragisk lagnad? Ver frimodige til å koma med synspunkt!

Vår i anmarsj

2006-04-20T09:58:00.000+02:00

Me nærmar oss mai, og framleis ligg det ikkje ute ein einaste ny sak frå april på stautland.com. Utanom denne då. Ein kan ikkje anna enn å beklaga. Har det ikkje skjedd noko som er verd å skriva om, lurer sikkert mange på.

Kvardagen har byrja igjen etter påskeferien. Våren er komen til Oslo, pollensesongen har meldt si kome. Framleis er byen grå og skiten, men knoppar både på tre og bakkar varslar at det snart er slutt på det. Snart skal sykkelen setjast i stand for sesongen.

God etterpåske til alle og ein kvar!

Sommartid

2006-03-24T12:30:00.000+01:00

Som sikkert mange er klar over: På sundag stiller me klokka éin time fram. Det betyr éin time mindre svevn. Det brukar å gå bra.

Har du nokon gong lurt på kven som bestemmer at me skal veksle frå sommartid til vintertid, og omvendt? Det har eg! Mange gonger har eg tenkt at dette må eg sjekka opp i. Det slapp eg, for VG hadde tidlegare denne veka ein interessant artikkel om temaet. Sjekk kven som er sjefen her.

Sjølv om sommartid og vintertid sorterer inn under Helsedepartementet, er ikkje helse eit hovudargument for at me har ei slik ordning, ifølgje VG. Skal me tru det som står i nettutgåva, har me innført sommartid fleire gonger sidan 1916. Eit viktig argument er at det er praktisk å gjera det same i Noreg som dei gjer i resten av Europa.

"I følge EU-direktivet blir sommertid fastsatt for fem år av gangen. EU må eventuelt vedta en ny femårsperiode i løpet av 2007, men det ligger i kortene at det kommer en ny periode."

Ein ting som eg framleis lurer på er: Kva er rett tid? Sommartid eller vintertid?

Til slutt litt frå vedtektene til Landsforeningen mot sommertid i Danmark. Dei har to reglar: 1) Foreningens formål er at gøre sig selv overflødig.
2) Foreningen opløses når formålet er opfyldt.

Elles kan me nemna at foreininga held si generalforsamling over internett kvart år den siste sundagen i mars mellom klokka to og tre om natta. Truleg er dette fort gjort, ettersom klokka då blir tre med det same ho slår to...

Vinn tur til England

2006-03-17T09:52:00.000+01:00

Lyst å reisa til England? Klikk her!!

I Akvariet

2006-03-09T09:23:00.000+01:00

Har du vore i Akvariet i Bergen då du var liten, men sidan aldri vendt tilbake? Eller kanskje aldri vore der?

Sist helg var det Bergenstur på programmet, og kva passa vel betre på ein sundag enn ein tur til sjølve attraksjonen i Bergen? Gløym Fløyen og Ulriken. Det er Akvariet som gjeld.

Du tenkjer kanskje pingvinar, fisk og sel. Dette er sjølvsagt fascinerande, men Akvariet er så mykje, mykje meir. I den tropiske avdelinga, til dømes, finn ein både den velkjende Dodraugen (ei øgle som vart funnen i eit toalett i Bergen, biletet øvst), og krokodillen Idar (krokodillen frå Oslo som Chess-sjefen miskunna seg over, ikkje biletet nederst). Apekattar er der òg. Og slangar!
Zoo-foto: Anne Karine

Er eg ikkje interessert i kyrkjespørsmål?

2006-03-01T15:27:00.000+01:00

Eg synest i alle fall eg ser svært så interessert ut på dette biletet her Biletet var første gong brukt i ei sak om stat-kyrkje-utvalet som la fram si innstilling. Ikkje lenge etter vart det brukt som illustrasjonsfoto til ein sak om at journalistar veit for lite om kyrkje- og kristenliv! Og dagen etter på var det ei faksimile av samme oppslag.

Nei, eg har ikkje betalt noko for å bli avbilda tre gonger som entusiastisk fotograf.

På an igjen

2006-03-01T15:00:00.000+01:00

Etter eit lengre opphald, med noko som faktisk minna om vår, har det no byrja å snø igjen. Det har det gjort i to dagar, og meir skal det bli, varslar meteorologane. Og på Oslo-folk som køyrer bil kjem snøen like brått på kvar gong. Det er akkurat som dei ikkje veit korleis dei skal forhalde seg til den kvite nedbøren som kjem kvar vinter. Nei, då er det betre å vere vestlending. Me veit i alle fall kva for forholdsreglar som gjeld når vinteren av og til trør til...

Helge sin skisundag

2006-02-26T21:34:00.000+01:00

Det har vore dårleg med feite fastelavensbollar med fløytekrem i dag, men masse tid til å gå på ski. I dag gjekk turen frå Kjelsås, via Linderudkollen, og ned til Tonsenhagen (muligens dette er ein del av Lillomarka - køyrer ein rett fram i staden for ned mot Tonsehagen, kjem ein i alle fall til Lilloseter).

Ei lita vêr- og føremelding:

● Sol frå himmel med nokre skyer. Vind (stort sett medvind)

● Forholdsvis gode løyper. Køyrt opp nyleg, me noko isete. Ekstra god fart i glatte parti i nedoverbakkar! Frose overvatn i løypa over vatnet Kringla.

● Swix universalklister (var ein reddande engel for ein nordmøring og ein svenske som hadde lagt i veg i dei harde løypene utan smørning...)

● God plass på Linderudkollen til å ha pause med kaffi og sjokolade frå Peru.

Sola laga eit ekstra islag i delar
av skiløypa, slik at det vart ekstra
god fart ned mot Tonsenhagen

Istappane hos oss

2006-02-25T16:56:00.000+01:00

Istappane på hustaka i Oslo har vore eitt av temaa som har prega nyhendebiletet den siste veka. I alle fall her aust. Ikkje kjekt å få fleire kilo tunge kjegler av is ramlande ned i hovudet når ein spankulerer på fortaua!

Bileta under er nokre døme på korleis det såg ut hos oss. Dei er nok ikkje like tunge som dei ein har sett døme på andre stadar, men desse laga ei fin utsmykking på brannverandaen vår. Snevet av vår som ramma hovudstaden på torsdag, førte til dessverre til at dei forsvann...

Ny snørekord

2006-02-16T16:45:00.000+01:00

Det er store snømengder i Oslo akkurat no. I dag tidleg låg det 54 cm på Blindern. Så mykje har det ikkje vore sidan 1968 - då var det 79 centimeter snø på Blindern.

Her er to bilete frå hovudstadens gater og tak, torsdag ettermiddag.

Stortorget:

Taket over Misjonssalen:

Lesarane sine eigne bilete

2006-02-15T19:39:00.000+01:00

Dette er ei ny spalte her på Stautland.com. Lesarane er velkomne til å senda inn eigne bilete til redaksjonen. Temaet avgjer du sjølv - om det er ei minnerik hending, ein elg (gjerne i solnedgang), ein hyggeleg person du kjenner (som sjølvsagt har gjeve løyve til at du nyttar han som fotomodell i ei tevling) eller eit ustyrteleg morosamt bilete.

Har du eitt?
Send det som MMS til 91 80 4775, eller som e-post til post@stautland.com.

(Me gjer merksam på at bileta ikkje blir returnerte!!)

Skihelg på Blefjell

2006-02-15T10:02:00.000+01:00

Me kan gratulera familien Rønning med utmerka utført februaroppdrag for oss (dåke som var i bryllupet vårt veit kva det dreier seg om).

Fredag gjekk turen til Kongsberg og Blefjell, der me var to netter på Rønning si familiehytte. Etter å ha parkert bilen måtte stien inn til hytta først tråkkast opp med truger. Me snakkar trass alt om 1-2 meter laus snø. Utetemperaturen var -14, inne var det ti grader varmare. Men eitt døger etter var temperaturen 28 grader inne.

Laurdag var det tid for bortoverski. Me kjøte til Blefjellstua og gjekk opp til Strutåsen, ein runde der oppe før me reurnerte til utgangspunktet. Sol frå blå himmel og herlig føre.

Søndag var det tid for vinterlege aktivitetar utanfor hytta. Me snakkar då om hoppng frå taket på hytta og aking. Sistnemnte aktvitet viste seg å ikkje vera så lett på grunn av snømengda.

«Her kommer vinter'n, her kommer den kalde fine tida…»

2006-01-27T12:24:00.000+01:00

Vinteren går sigersgangen sin i Oslo. Sjølv om noko av snøen som fall før sist helg har minka her nede i byen, er det framleis godt skiføre i Marka. Torsdag for litt over ei veke sidan, då det lava ned i hovudstaden, testa me ut ypparlege pudderforhold i lysløypa Frognerseteren – Ullevålseter – Sognsvann. Storarta, rett og slett. Sist laurdag hadde skyene snødd frå seg. Det blei ein fin tur då òg, sjølv om det var tendensar til kø i løypene rundt Frognerseteren og ned mot Holmenkollen. Dessutan velta det ut lass på lass med kjelkeentusiastar som skulle prøva seg i Korketrekkaren.

Det går allereie mot helg igjen, og laurdag til måndag blir det tur til Trondheim for å besøka venner og kjend, samt litt jobbing.

God helg til alle og einkvar!

Me har fått oss komfyr!

2006-01-12T14:22:00.000+01:00

Det betyr at tida med halve pizzaar er over. På kjøkenet no står ein flunkande ny Elektrolux som vart trilla gjennom sentrum i går ettermiddag på ei sekketralle. Vidunderet fekk me for 5.400,-, mot 5.900,- som var opphaveleg pris. No slepp òg me å avgrensa oss til to gryter når me lagar middag, eller dobbelt så mange bakebrett som strengt tatt er naudsynt når ein lagar bollar. Hybelkomfyren var frå i går av historie.

Godt nytt år!

2006-01-06T12:51:00.000+01:00

Totusenogfem er historie, og onsdag var første arbeidsdag i det nye året. Vestlandsjula i desember var både god og innbringande. Det har vore tynt med julestoff på Stautland.com, men me håpar ingen har fått mindre julestemning av den grunn.

Godt nytt år til alle og einkvar!

Julelunsj med bohemen

2005-12-20T09:51:00.000+01:00

Kristelig Pressekontor og Kristne Friskolers Forbund gjekk saman om julelunsjen i år, slo på stortromma og bestilte bord på Grand Café i Oslo. Her var det god mat! Ein suksess som freistar til gjentaking.

Lenker til artiklar

2005-12-14T10:10:00.000+01:00

Mange lurer kanskje på kor alt stoffet me har samla opp i Sør-Amerika blir av i norske aviser. Ein del av det hamnar berre i ymse aviser sine papiutgåver. For at lesarane skal få sjå litt meir av alt me faktisk fekk sjå, er det lagt ut nokre lenker til noko av det som er publisert på nettet. Meir vil koma etterkvart. Elles kan alle som vil sjå saker på www.kpk.no

Flyr for misjonen
Rekordår for mikrokreditt i Ecuador
Flere tusen på lørdagsskole

Teknisk svikt

2005-12-13T12:25:00.000+01:00

Sida har dessverre ikkje fungert dei siste dagane, det er noko som me beklagar svært sterkt! No skal alt vera i orden. Red.

Førjulsrapport

2005-12-08T09:55:00.000+01:00

Stautland.com har ikkje vorte oppdatert i det siste, og det er me sjølvsagt svært leie oss for. Noko av grunnen skuldast nok store arbeidsmengder etter turen til Sør-Amerika. Me er no godt i gang med å skriva ut materialet me har samla inn i dei tre landa me var innom.

Som nemnt tidlegare, har me fått meldingar om nye lesargrupper dei siste vekene. Det siste rykte, som nesten er heilt stadfesta, er at Stautland.com fekk monaleg reklameplass i samband med ei eller annan kristeleg tilstelning i Bjerkreim nyleg. Ingenting varmer hjarto meir enn slike meldingar!

Elles kan det nemnast at adventsfreden har senka seg i Tullins gate. Snart tre lys er tent i staken, og det angar nesten konstant av nyskrelte mandariner. Utanfor er det vakre SAS-hotellet pynta med julelys på alle hjørner, og eit lysande "God jul" i toppen. Frå tid til annan dalar det ned nokre snøfnugg òg.

I kveld er det tid for julekonsert på Fjellhaug.

Nokre bilete frå Sør-Amerikaferda

2005-11-29T12:06:00.000+01:00

Me er attende i heimlandet, og under eit knippe bilete frå dei forskjellige plassane me var.
Stautland.com får stadig nye lesarar, og me ynskjer dei som kom til medan me var borte hjarteleg velkomen!

Første etappe på turen var Peru og Arequipa. Her er byen med vulkanen Misti i bakgrunnen.

I Puno fekk me oss blant anna ein tur på Titikaka-sjøen, og stranda på denne flytande sivøya. Thor Heyerdal var også på desse øyane.

Det første me gjorde då me kom til Sucre i Bolivia, var å sjå eit lokaloppgjer mellom Sucre og Santa Cruz saman med 35.000 tilskodarar. Resultatet vart 6-1 til laget frå Sucre. Som et går fram av biletet, var det ikkje så nøye der at begge laga hadde raude og blåe draktar.

På marknaden i Cochabamba kunne ein finna både kattar, hundar, høner og undulatar stua slik som dette.

I Guayaquil, Ecuador, var me med og besøkte nokre av mikrokredittkundane til Misjonsalliansen.

La Paz, Bolivia, hovedstad, millionby, mellom flotte fjell.

Cochabamba

2005-11-17T17:37:00.000+01:00

No har me vore tre dagar i Cochabamba og fått sett masse. Har truffe dei norske misjonærane i NLM og Pinsebevegelsen. Veldig koselige folk alle. Her har det vore veldig varmt og tørt. I går var me på et marked i byen og kjøpte ein del ting. Her selde dei bl.a. kyllingar, undulatar, videoar, skinnprodukt, klede, kjøt og tørka lamafoster (og andre dyr) til ofring... Me har og vore på Jesus Maestro-skulen, den som for ei tid sidan var truga av nedlegging fordi myndighetene her ville kontrollera pengane frå Noreg. Men no går det bra, seier dei. Vegblokkering var ett av virkemidla for å få gjennom det dei ville.

Me har og vore og sett på den store Jesus-statuen som er her. Den er rundt 34 meter høg, og står på ei høgde i byen.
Cochabamba er ein stor by, mykje større enn me hadde trudd på forhånd.

Er på flyplassen på veg til La Paz no. Der er det Misjonsalliansen sine folk me hovedsakling skal treffa.

Snart i Cochabamba

2005-11-14T16:29:00.000+01:00

No er me på flyplassen i Santa Cruz, på vei til Cochabamba. Har hatt det veldig fint i Sucre, der me har vore 2 netter no. Har budd hos Linn Merete Urangseter, den einaste norske misjonæren der. Men det var 2-3 andre norske der som bidrog på eit pastorkurs. Har jobba mykje, og fått med oss ein lokal fotballkamp på stadioen i Sucre. 35.000 tilskuarar! Laget frå Sucre vant 6-1, og kvalifiserte seg dermed til den bolivianske ligaen. Gøy å få med seg ei sånn oppleving. Det var tendensar til flaskekasing, så dommarane måtte fraktast ut av politiet, under skjolda deira... Masse smell og fyrverkeri var det og.
Det har vore varmt og godt. I går var me på to gudstenester, ei kl 8.30, og ei kl 10.30. Traff også ei studengruppe fra Tverrkulturell kommunikasjon på Gimlekollen/MF.

Når me kjem til Cochabamba skal me bli henta av Emilio Gonzales. Me trur det blir hektiske dagar der og. Den 17. reiser me tilbake til La Paz.

Me har ikkje blitt dårlige ENDÅ (det var ordet Linn Merete brukte, så me fryktar at det kanskje blir litt magetrøbbel etter kvart. Er visst vanleg...).

Ein dag på Taquile

2005-11-12T14:38:00.000+01:00

På torsdag var me på båttur på Titikaka-sjøen. Målet for turen var øya Taquile. Her bur det indianarar. Fekk mat av dei då me kom opp. Det var tungt å gå, for det er så høgt. Høgaste punktet var nesten 4.000 moh. Det var akkurat som å gå på ein fjelltur når ein er slapp og sjuk. Men det var ein fin tur. Biletet er frå nedstigninga.

I går ankom me La Paz, Bolivia. No er me på flyplassen, på veg til Sucre.

(Litt for) hoyt over havet...

2005-11-10T20:32:00.000+01:00

Naa er vi paa Hotel Italia i Puno i Peru. Har vaert paa Titicacasjoen i dag. Veldig fint vaer, saa vi ble litt solbrente i fjeset, selv om vi smurte oss godt. Dro forst ut til noen sivoyer. Fascinerende at folk kan bo paa noe saant. Fikk ogsaa en liten runde i en sivbaat. Saa dro vi videre til Taquile, ei annen oy. Der gikk vi til topps. Merket godt at det var hoyt, for vi ble veldig slitne og andpustne. 3975 moh paa det hoyeste. Vi er paa 3800 naa.
Da vi skulle dra tilbake, maatte vi redde noen passasjerer fra en brennende baat. Det brant i motoren. Dette fikk de slukket, men vi maatte slepe baaten med oss. Litt ekkelt.

Turen til Juliaca i gaar gikk bra. Men det var iskaldt der, og ikke saa mye aa se. Hullete og sorpete veier. Da vi kom fram til Puno var vi veldig trotte.

I kveld kom det en mann til hotellet. Han hadde reist ens aerend fra ARequipa (ca 6 timer) for aa levere haandarbeid til julemesser i Norge. Han trodde vi hadde faatt beskjed om aa ta dette med oss da vi var i Arequipa, men vi hadde ikke hort et ord om det. Naa har vi en hel baerepose med engler og hjerter....

I morgen tidlig drar vi til La Paz.

Steikt marsvin hos La Lucila

2005-11-07T19:27:00.000+01:00

No er det kveld i Arequipa, og me skal snart ein tur ut og sjaa byen "by night". Det har vore ein innhaldsrik dag. Klokka 8 i dag tidleg var me paa plass paa kyrkja sin skule i byen, Diego Thompson, for aa sjaa paa prosesjonen. Alle dei 500 elevane er med, oppstilt, syng nasjonalsongen, marsjerer til hornmusikk. Journalistane fraa Norge blei godt presentert paa spansk, og me blei invitert opp paa scenen for aa sjaa paa prosesjonen der fra.

Vidare var det Yapa-intervjuet som stod paa planen. Verten var, Kjetil Halvorsen, skulle intervjuast paa ein tradisjonell peruansk restaurant der dei serverte marsvin. Med oss var ogsaa Julia og Felix fraa NLM-kontoret.

La Lucila var ein flott restaurant, men hadde garantert fatt stryk dersom norsk mattilsyn hadde vore paa besok. Maten vart laga til paa eit roykfullt kjokken der kattar, floger gjekk mellom beina paa oss. La Lucilas saerpreg er at marsvina blir henta levande, direkte fraa fjoset. Der sprang 50-60 marsvin rundt omkring, 5 stk blei fanga oppi ein sekk. Vidare blei dei slakta og flaadd i ein vask utanfor. Etter at innvollar var fjerna, blei dei steikt inne i det allereie nemnte kjokenet. Saa gjekk det ein halvtime for maten var paa bordet. Marsvinet saag ut som det var overkjort av ein bil, deretter steikt, men det smakte som kylling, berre mykje seigare.

No i ettermiddag har me vore paa eit marked i byen og kikka. Kjopte ikkje mykje, berre tre DVDar. Der Untergang, Madagaskar og The Island. Til saman 20 kroner. Ekte originalkopi. Kunne og kjopt piratkopi av Photoshop CS2 for 6 kr. Det kostar om lag 8.000 kroner i Norge...

Me stortrives i den kvite byen under vulkanen Misti. Onsdag gar ferda vidare til Juliaca. Etterpa skal me til Puno. Blir der i to netter, og skal blant anna paa bàttur paa Titicaca-sjoen. Blir bra. Daa skal me ikkje arbeida.

Klokka er berre snart halv àtte lokal tid, men kjenner me er trotte. Ikkje heilt avvendt fra norsk tid enno. Heime er ho vel snart halv to paa natta.

Framme i Peru!

2005-11-06T12:02:00.000+01:00

Me er no framme i Lima, Peru.
Kom seint på natta i går etter vår "gamle" tid, men ca kl 20 lokal tid. Fekk sova nokre timar på hotellet før me for til flyplassen igjen, ventar på flyet til Arequipa no. Der skal me treffa nokre norske misjonærar.
Den 16 timar lange flyreisa i går gjekk bra, fekk masse god flymat, og det var mulighetar for å reisa seg og gå litt. Etter ca. 10 timar mellomlanda me i Karribien, på ei øy som heiter Bonaire. (For å fylla bensin).
Håpar å kunna oppdatere meir seinare.

Reiserute i Sør-Amerika

2005-11-02T16:08:00.000+01:00

Tre dagar før avreise Sør-Amerika, ser reiseruta slik ut:
Laurdag 5.11. dreg me frå Gardermoen kl 06.40, vil Amsterdam til Lima. Landar i Lima kl 20.00 (eller i eitt-to tida på natta, norsk tid). Her blir det nokre timar søvn før me set oss på første fly til Arequipa søndag den 6.

I Arequipa (2.300 moh) skal me vera nokre dagar og treffa norske misjonærar. Turen herfrå går vidare til Juliaca (3.824 moh), der me skal vera 1-2 netter. Her skal me blant anna sjå på eit nytt skuleprosjekt som misjonen er med på. Frå Juliaca skal me vidare med buss til Bolivia, nærmare bestemt La Paz (3.690 moh). Dette er visst ein veldig fin busstur, langs Titicaca-sjøen. Me er no komne til 11.11. Dagen etter skal me vidare med fly til Sucre (2.800 moh). Her skal me vera på eit arbeidarkurs, før me set kursen mot Cochabamba (2.557 moh) den 14. Vidare ber det attende til La Paz den 17.11. Her skal me treffa misjonærar frå bl.a. Misjonsalliansen.

Den 20.11. dreg me frå La Paz og Bolivia til Guayaquil og Ecuador. Her blir me berre to dagar før me vender nasa mot Lima og returnerer til Oslo. Framme på Gardermoen er me etter planen den 24.11.

Satsar på å få oppdatert sida innimellom, så kan alle som vil følgja med på det som skjer.

Nyttar elles høvet til å ønskja alle ein god november.

Snart Sør-Amerika

2005-10-24T13:54:00.000+02:00

Sør-Amerikaturen nærmar seg med stormskritt. Om mindre enn to veker set me oss på flyet til Amsterdam, for så å ta fatt på den 16 timar lange (skal gå greit med Sudoku og x-ord) flyturen til Lima, Peru. Etter nokre dagar i Peru skal me etter planen vidare med buss til Bolivia. Der blir me 5-6 dagar før me avsluttar reisa i Ecuador.

Fabelaktig Michael W.

2005-10-14T10:40:00.000+02:00

Utsyns stjernejournalist, Anne Karine Stautland, fylte 26 år i går (hurra!), og dagen vart feira med god mat og vener heime i kåken.

Kvelden vart avslutta med ein flott konsert med Michael W. Smith i Filadelfia. Har relativt dårleg kjennskap til den karen frå før, men veit han er dyktig. Det var og konserten prov på. Kjempetrøkk med fullt band, og god stemning i lokalet.

Forslag til debatt på Stautland.com: Snart 50-år gamle menn som ser ut som dei er 24 (t.d. M.W.). Nytt dykk gjerne av kommentarfunksjonen under. Køyr debatt!

Utan ein tråd på nytt kontor

2005-10-03T13:46:00.000+02:00

Fredag gjekk kontorflyttelasset frå 5. til 3. etasje. No er KPK vel installert blant nye kollegaer i Kristne Friskolers Forbund. Her er forholda på mange måtar betre, mindre trafikkstøy og trådlaust breidband. Det negative er at eg ikkje lenger kan mora meg med å studera morgontrøytte andlet på andre sida av gata når hotellgjestene står opp om morgonen.

Kulturhistorisk gravsafari

2005-09-26T09:45:00.000+02:00

Vår Frelsers gravlund er eit flott grøntareal ikkje langt frå der me bur. Trass dette: Me har aldri vore der. Ikkje før i går. I skumringa sundag kveld vart kyrkjegarden, med sine majestetiske bautaer, byster og skulpturar, teken i augesyn. På minnelunden er gravene til blant andre Henrik Ibsen, Marcus Thrane, C. J. Hambro, Arnulf Øverland, Bjørnstjerne Bjørnson og Edvard Munch.

Visdomstann, adjø!

2005-09-25T22:03:00.000+02:00

Fredag vart øvre venstre visdomstann fjerna, og gleda i heimen var stor. Det gjorde faktisk ikkje vondt. To koselige knekke/knirkelydar då ho blei dratt ut frå kjeven, og vips var tanna ute.
I motsetning til tenner flest, hadde ikkje denne tanna i overkjeven kurs nedover. Den var på veg utover, mot kinnet. Det var med andre ord godt å få henne ut!

KPK-Oslo på flyttefot

2005-09-21T15:25:00.000+02:00

KPK avdeling Oslo held snart på å bevega seg ut frå 5. etasje i Storgata 10B i Oslo. P7 Kristen Riksradio flyttar, og då må KPK også ut (sidan KPK er framleigetakar).
Heldigvis er verken vegen lang eller høgdeforskjellen stor: Kontoret flyttar berre to etasjar ned. Samme adresse og samme telefon...